काठमाडौं । काठमाडौं उपत्यकाका तीनै जिल्लामा आज (बुधबार) मध्यरातिदेखि अत्यावश्यक बाहेकका सबै सेवा बन्द हुने भएको छ । उपत्यकामा काठमाडौं, ललितपुर र भक्तपुर तीनवटै जिल्ला प्रशासनले आज रातिदेखि लागु हुने गरी अत्यावश्यक बाहेकका सेवा बन्द गरेका हुन् ।
जिल्ला प्रशासन कार्यालयहरुले ‘लकडाउन’ नभनेपनि औषधि, खाद्यवस्तु तथा अन्य अत्यावश्यक उपभोग्यवस्तु वा सेवा खरिदको काममा बाहेक कुनैपनि व्यक्ति घरबाट बाहिर निस्कन बन्देज लगाएका छन् । सो आदेशको उल्लंघन गर्ने वा आदेशको पालना गर्ने गराउने कार्यमा अवरोध गर्ने जोसुकै उपर प्रचलित कानुन बमोजिम कारबाही गरिने जनाइएको छ।
‘अत्यावश्यक सेवा तथा वस्तु बाहेकका अन्य सबै प्रकारका व्यापार व्यवसाय सञ्चालन गर्न, अत्यावश्यक सामग्री लगायतका मालवाहक ढुवानीका सवारी साधन, स्वास्थ्यकर्मी तथा सुरक्षा निकायले प्रयोग गर्ने सवारी साधन बाहेक काठमाडौं उपत्यकाभित्र सवारी साधन प्रवेश गर्न, जिल्लाभित्र सबै प्रकारका निजी तथा सार्वजनिक यात्रुवाहक सवारीसाधन सञ्चालन गर्न निषेध गरिएको छ,’ निषेधाज्ञामा भनिएको छ ।
आज राति १२ बजेदेखि लागू हुने निषेधाज्ञा यही भदौ १० गते राति १२ बजेसम्म कायम गरिएको छ ।
यस्ता छन् आदेशका १७ बुँदा
