कञ्चनपुर । राष्ट्रिय जनमोर्चा शुक्लाफाँटा नगर समितिले नगर क्षेत्रभित्र विकास निर्माण तथा क्वारेन्टिन व्यवस्थापनबारे अनुगमन गर्ने भएको छ । मंगलबार नगर समितिका अध्यक्ष टुङे बोहराको अध्यक्षतामा बसेको बैठकले नगरपालिकाका वडाहरुमा भइरहेका गतिविधिबारे अनुगमन गर्ने निर्णय गरेको हो ।

बैठकमा राजमो जिल्ला अध्यक्ष रामबहादुर कार्कीको उपस्थिति रहेको थियो । राजमो कञ्चनपुरले जिल्लाका सबै स्थानीय तहहरुमा अनुगमन गरिरहेको जानकारी दिँदै अध्यक्ष कार्कीले शुक्लाफाँटा नगर समितिले पनि नगरपलिकाको गत आर्थिक वर्षको विकास निर्माण, सुशासन एपम् क्वारेन्टिन ब्यवस्थापनमा भएको अनियमियतता लगायत विषयमा वडास्तरमा अनुगमन गर्ने निणर्य गरेको बताउनुभयो ।

त्यस्तै, राजमो नगर समितिले सामाजिक दूरि कायम गर्दै संगठन निर्माण, वडा स्तरमा बैठक र प्रशिक्षण समेत सञ्चालन गर्नेछ ।