चितवन । भरतपुर महानगरपालिकाले कोरोना संक्रमण बढ्दै गएको भन्दै यसपालिको तीज पर्व घरमै बसेर मनाउन आग्रह गरेको छ । महानगर प्रमुख रेनु दाहालले मंगलबार एक अपिल प्रकाशित गरी यसपालिको तीज पर्व आ–आफ्नै घरमा मनाउन सबैसँग आग्रह गर्नुभएको हो ।

कोरोना संक्रमण बढ्दै गएको सन्दर्भमा महानगर प्रमुख दाहालले आ–आफ्नै घर बसेर, मास्क र सेनिटाइजरको प्रयोग गरी भौतिक दूरी कायम गरी तीज पर्व मनाउन सबैसँग आग्रह गर्नुभएको छ।

‘महानगरपालिका क्षेत्रमा पनि यसको (कोरोना) संक्रमण दर वृद्धि हुँदै गएको सन्दर्भमा सामूहिक खानपिनको कार्यक्रम आयोजना नगर्न, नित्य कर्मबाहेक धार्मिक क्षेत्रमा भीडभाड नगर्नहुन अपिल गर्दछु’ प्रमुख दाहालको अपिलमा भनिएको छ ।