काठमाडौं, भदौ १७ । चीनले रसुवागढी जोड्ने केरुङ नाका जाने सडक बुधबार बिहान १० बजेदेखि पूर्ण रूपमा पुनः सञ्चालनमा ल्याएको छ।
Advertisement
सडक खुलेसँगै उद्धारकर्मी, राहत सामग्री तथा भारी उपकरण प्रभावित क्षेत्रमा पुर्याउन सहज हुने भएको छ। चिनियाँ सञ्चारमाध्यमका अनुसार सडकको अवरुद्ध अन्तिम खण्डसमेत अस्थायी रूपमा सञ्चालनमा ल्याइएको हो।
भारी मेसिनरीले केरुङ नाकाको मुख्य विपद् प्रभावित क्षेत्रसम्म पुगेर सडक सफा गर्ने तथा खोज तथा उद्धार कार्यमा सहयोग गरिरहेको जनाइएको छ।
