काठमाडौँ । बुधबार बिहान सवा ९ बजेतिर तिब्बत तर्फबाट आएको बाढीका सम्बन्धमा सरकारले हालसम्म चारोटा काम वा तयारी गरेको छ । प्रधानमन्त्री तथा मन्त्रिपरिषद् कार्यालयले सो तयारी गरेको हो ।
कार्यालयका अनुसार प्रथम– उद्धारको रूपमा उद्धार तथा राहतकार्यका लागि नेपाली सेना, सशस्त्र प्रहरी बल र नेपाल प्रहरी परिचालन गरिएको छ ।
दोस्रो– बिपद व्यवस्थापन प्राधिकरण सक्रिय भएको छ ।
तृतीय– तल्लो तटीय क्षेत्रका बासिन्दालाई तत्काल सुरक्षित स्थानमा स्थानान्तरण गर्न सम्बन्धित सिडिओलाई निर्देशन दिइसकिएको छ ।
चौथो– सम्भावित उद्धार तथा राहत कार्यका लागि सबै हेलिकप्टरलाई स्ट्यान्डबाइमा राख्न भनिएको छ । हेलिकप्टरहरू उद्धार सामग्रीसहित घटनास्थलतर्फ उडिरहेका छन् ।
बाढीका कारण रसुवा, नुवाकोट, धादिङ, गोरखा र चितवन जिल्ला भई बग्ने नदी तटीय क्षेत्रका बासिन्दालाई सतर्कता अपनाउन भनिएको छ ।
काठमाडौँदेखि मुग्लिङ र भरतपुरसम्मका सडक हाललाई बन्द गरिएको छ । यस क्षेत्रतर्फ आउँदै गरेका सवारी साधनलाई तत् तत् स्थानमा रोकिराखिएको छ ।
