काठमाडौँ । रक्तिम सांस्कृतिक अभियानले आगामी पुस ४ र ५ गते बुटवलमा राष्ट्रियस्तरको प्रशिक्षणात्मक भेला सम्पन्न गर्ने भएको छ ।
अध्यक्ष गिरीप्रसाद बुढाको अध्यक्षतामा २०८३ भदौ ६ गते बसेको रक्तिम केन्द्रीय समितिको बैठकले सो निर्णय गरेको हो ।
अध्यक्ष बुढाले युगदर्शनलाई दिनुभएको जानकारीअनुसार अगामी तिहारसित सम्बन्धित प्रगतिशील देउसीभैलोको तयारीस्वरूप जिल्लास्तरीय प्रशिक्षण चलाउने रक्तिमको अर्को निर्णय रहेको छ ।
यस वर्षको तिहारको सन्दर्भमा देशको कुनै एक सहरमा रक्तिम केन्द्रीय समितिको आयोजनामा प्रगतिशील भैलो खेल्ने योजना रहेको उहाँले जानकारी दिनुभयो ।
त्यस्तै रक्तिमले असोज महिनाभित्र आफ्नो सङ्गठनको मुक्तपत्र ‘रक्तिम अभियान’ प्रकाशन गर्ने निर्णय केन्द्रीय समितिले गरेको जानकारी पनि बुढाले दिनुभयो ।
एवम् प्रकारले जिल्ला भेला तथा बैठकजस्ता आन्तरिक साङ्गठनिक क्रियाकलाप भने निरन्तर चलाउँदै जाने पनि उहाँको भनाइ थियो ।