काठमाडौँ । अखिल नेपाल जनजाति सम्मेलनले बत्तिसौँ विश्व आदिवासी दिवस मनाएको छ ।
नेकपा (मसाल) का महामन्त्री मोहनविक्रम सिंहको प्रमुख आतिथ्यमा २०८३ साउन २४ गते (अगस्त ९) आइतबार सो कार्यक्रम सम्पन्न भएको हो ।
सो अवसरमा मन्तव्य राख्दै महामन्त्री सिंहले साम्राज्यवादले आदिवासी जनजातिका मुद्दालाई दुरूपयोग गर्ने गरेकोमा क्रान्तिकारी कम्युनिस्ट पार्टीले आदिवासी जनजाति आन्दोलनलाई सही दिशा दिने गरेको बताउनुभयो ।
त्यस्तै जनजाति सम्मेलनका अध्यक्ष निमबहादुर बुढाथोकीले विश्व आदिवासी दिवसको पृष्ठभूमि र औचित्यबारे चर्चा गर्नुभएको थियो ।
कार्यक्रममा मसालका प्रवक्ता रामप्रकाश पुरी, राष्ट्रिय जनमोर्चाकी उपाध्यक्ष तथा प्रवक्ता दुर्गा पौडेल, अखिल नेपाल किसान महासङ्घ (अन्टुक) का अध्यक्ष भैरवराज रेग्मी, जातीय समता समाजका अध्यक्ष तथा राष्ट्रियसभाका सांसद राजेश विश्वकर्मा, अखिल (छैठौँ) का अध्यक्ष सुवाष जिसी, अखिल नेपाल युवक सङ्घका अध्यक्ष गणेश अधिकारी, अखिल नेपाल टे्रड युनियन महासङ्घ (अन्टुक) का कावा अध्यक्ष धनपति सापकोटा, राजमो केन्द्रीय सदस्य तथा लुम्बिनी प्रदेश सांसद तारा थापा, अखिल नेपाल राष्ट्रिय उद्योग व्यापार सङ्घका उपाध्यक्ष पदम श्रेष्ठ र युगदर्शन मिडियाका व्यवस्थापक हरिकान्त शर्माको आतिथ्य रहेको थियो ।
जनजाति सम्मेलनका परिषद् सदस्य प्रेमबहादुर ठाडाको अध्यक्षता तथा केन्द्रीय सचिवालय सदस्य धनवीर पुनमगरको सञ्चालनमा अघि बढेको सो कार्यक्रममा केन्द्रीय सल्लाहकार प्रकाश थापामगरले स्वागत मन्तव्य गर्नुभएको थियो ।
