काठमाडौँ, साउन १८ । जनसांस्कृतिक महासंघ नेपालद्वारा उद्घोषण (एन्करिङ) कलामा उल्लेखनीय योगदान पुर्याएको भन्दै अखिल छैठौँकी केन्द्रीय कोषाध्यक्ष एवं रक्तिम साँस्कृतिक परिवारकी कलाकार समष्टी बुढालाई ‘युवा प्रोत्साहन सम्मान’ प्रदान गरिएको छ ।
इन्द्रेणी समाजको विशेष समारोहका बीच समष्टी बुढालाई महासंघका चिरन पुनले सम्मानपत्र हस्तान्तरण गरेका थिए । उद्घोषण क्षेत्रमा समष्टी बुढाले देखाएको सक्रियता, सिर्जनशीलता र समर्पणको कदर गर्दै उहाँलाई सम्मान गरिएको पुनले बताए ।
कार्यक्रममा साहित्य, कला, संगीत, संस्कृति तथा सामाजिक क्षेत्रका अग्रज व्यक्तित्व, कलाकार, सञ्चारकर्मी र विभिन्न क्षेत्रका प्रतिनिधिहरूको उल्लेखनीय उपस्थिति रहेको थियो। सम्मान ग्रहणपछि उपस्थित सबैले उहाँलाई बधाइ तथा शुभकामना व्यक्त गरेका थिए ।
जनसांस्कृतिक महासंघ नेपालले युवाहरूलाई कला, संस्कृति र सञ्चार क्षेत्रमा थप प्रेरित गर्ने उद्देश्यले यस्ता सम्मान कार्यक्रमलाई निरन्तरता दिँदै आएको जनाएको छ ।
त्यस्तै प्रगतिशिल गायन क्षेत्रमा नवगायीकाको भूमिका निर्वाह गर्दै आएकी अनु शर्मालाई पनि महासंघले सम्मान गरेको छ ।
बुढा रक्तिम साँस्कृतिक अभियानका केन्द्रीय अध्यक्ष गिरीप्रसाद बुढाकी छोरी हुन् भने, शर्मा रक्तिमका संस्थापक जीवन शर्माकी छोरी हुन् ।
