काठमाडौं । नेपाल आयल निगमले पर्याप्त एलपी ग्यास मौज्दात रहेको दाबी गरे पनि काठमाडौं उपत्यकालगायत विभिन्न स्थानमा पछिल्लो १० दिनदेखि खाना पकाउने ग्यासको अभाव देखिएको छ।
Advertisement
डिपो सञ्चालकहरूले उद्योगबाट ग्यास आपूर्ति नभएको बताएका छन् भने उपभोक्ताले आपूर्ति व्यवस्थापनमा कमजोरी र उद्योगी–निगमबीच मिलेमतो भएको आशंका व्यक्त गरेका छन्।
ग्यास अभावका कारण उपभोक्ताहरू खाली सिलिन्डर लिएर डिलर तथा डिपोमा लामो लाइन बस्न बाध्य भएका छन् । निगमले भने दैनिक मागअनुसार ग्यास आपूर्ति भइरहेको दाबी गर्दै अभाव न्यूनीकरणका लागि शनिबारदेखि टेकुस्थित कार्यालयबाट नेपाल ग्यास, एभरेस्ट, सुगम र श्रीराम ग्यासका सिलिन्डर बिक्री–वितरण सुरु गरेको जनाएको छ। साथै उद्योगीलाई बजारमा सहज आपूर्ति सुनिश्चित गर्न निर्देशन दिएको छ ।