काठमाडौँ, असार २७ । अखिल नेपाल युवक संघ, जिल्ला समिति काठमाडौँले काठमाडौँ बालेन्द्र (बालेन) सरकारका जनविरोधी नीतिको विरोध गर्दै असार २८ गते विरोध सभा आयोजना गर्ने भएको छ ।

संघले सार्वजनिक गरेको सूचनाअनुसार विरोध सभा २०८३ असार २८ गते दिउँसो ३ः०० बजे काठमाडौँको माइतीघर मण्डलामा आयोजना गरिनेछ ।

आयोजकका अनुसार सरकारका पछिल्ला नीति तथा निर्णय जनहितविपरीत भएको आरोप लगाउँदै त्यसप्रति जनताको ध्यानाकर्षण गराउने उद्देश्यले विरोध कार्यक्रम आयोजना गरिएको हो । कार्यक्रममा विभिन्न सामाजिक तथा राजनीतिक क्षेत्रका व्यक्तित्व, युवाहरू र सर्वसाधारण नागरिकको सहभागिता रहने आयोजकले जनाएको छ ।

अखिल नेपाल युवक संघले लोकतान्त्रिक अधिकारको प्रयोग गर्दै शान्तिपूर्ण रूपमा विरोध सभामा सहभागी हुन सबै नागरिक, युवाहरू तथा शुभेच्छुकहरूलाई आह्वान गरेको छ ।