प्रदर्शनमा सहभागीहरूले गणेश नेपालीको मृत्युको निष्पक्ष छानबिन, दोषीमाथि कारबाही तथा पीडित परिवारलाई न्यायको माग गरेका थिए। प्रदर्शनका क्रममा केही सहभागीहरूले ‘गणेश नेपालीको हत्यारा बालेन सरकार हो’ लगायतका नाराबाजी समेत गरेका थिए।

प्रदर्शनका क्रममा केही समय प्रदर्शनकारी र प्रहरीबीच धकेलाधकेल भएको थियो। स्थिति नियन्त्रणमा लिन प्रहरीले प्रदर्शनकारीहरूलाई अघि बढ्न नदिई रोकेको थियो। त्यसपछि केहीबेर तनावपूर्ण अवस्था सिर्जना भए पनि थप अप्रिय घटना भने भएको थिएन।

गणेश नेपालीको उपचारका क्रममा निधन भएपछि उक्त घटनाको सत्यतथ्य छानबिन र जिम्मेवार पक्षमाथि कारबाहीको माग गर्दै विभिन्न विद्यार्थी संगठनले विरोध प्रदर्शन गर्दै आएका छन्।

यस घटनाबारे सम्बन्धित निकायबाट औपचारिक अनुसन्धान जारी रहेको जनाइएको छ।