काठमाडौँ, असार ३० । वरिष्ठ वामपन्थी चिन्तक, लेखक तथा राजनीतिज्ञ मोहन बिक्रम सिंहको अंग्रेजी भाषामा लेखिएको उपन्यास Comrade Jaljala विश्वप्रसिद्ध अनलाइन पुस्तक बिक्री मञ्च अमेजन (Amazon) मा प्रकाशित भएको छ ।
पुस्तकको आकर्षक आवरणमा हिमालको काखमा रहेकी ‘जालजला’ पात्रलाई चित्रण गरिएको छ । यसभन्दा पहिला नेपालीमा प्रकाशित भएको उपन्यास कमरेड जलजलाको अंग्रेजी संस्करणमा अमेजनले (Amazon) प्रकाशित गरि अनलाईन माध्यमबाट बजारमा ल्याएको हो ।
यो उपन्यास प्रेम, दर्शन, समाज, इतिहास र क्रान्तिकारी चेतनालाई समेट्ने दार्शनिक कृति हो । उपन्यासको कथावस्तु मुख्य रूपमा सुनन्दा र जालजला वरिपरि घुम्छ । मानव समाज, विश्वदृष्टि, प्रेम, परिवर्तन र क्रान्तिको दार्शनिक पक्षलाई कथामार्फत प्रस्तुत गरिएको पुस्तकमा मानव सभ्यता र समाजलाई गहिरो दृष्टिकोणबाट विश्लेषण गर्ने प्रयास गरिएको छ । लेखकले यसलाई करिब २३ वर्षको लामो तयारीपछि अन्तिम रूप दिनुभएको थियो ।
अमेजनमा उपलब्ध भएपछि Comrade Jaljala उपन्यास विश्वभरका पाठकले सहज रूपमा खरिद गरी अध्ययन गर्न सक्ने भएका छन् । अमेजनले उपन्यास Comrade Jaljala तीन खण्डमा प्रकाशित गरी प्रतिखण्ड १४ डलर मुल्य निश्चित गरेको छ । भारतीय रुपियाँ १३८० मुल्य रहेको छ ।
लेखकका विचार र साहित्यमा रुचि राख्ने पाठकका लागि यो पुस्तक विशेष महत्वको कृतिका रूपमा हेरिएको छ ।
अमेजन के हो ?
अमेजन (Amazon) संसारकै ठूलो अनलाइन किनमेल (E–commerce) प्लेटफर्ममध्ये एक हो । यो (Amazon) कम्पनीले सञ्चालन गर्छ । यहाँ मानिसहरूले इन्टरनेटमार्फत विभिन्न सामानहरू जस्तै मोबाइल, कपडा, पुस्तक, इलेक्ट्रोनिक्स, घरायसी सामग्री आदि किन्न र बेच्न सक्छन्।
अमेजनको स्थापना Jeff Bezos ले सन् १९९४ मा गरेका थिए । सुरुमा यो केवल अनलाइन पुस्तक बिक्री गर्ने वेबसाइट थियो, तर पछि विश्वव्यापी बजारमा विस्तार भई लगभग सबै प्रकारका वस्तु तथा सेवाहरू उपलब्ध गराउने प्लेटफर्म बनेको छ ।
Novel Comrade Jaljala लागि यहाँ जानुहोस्
