पेरिस । उत्तरपूर्वी फ्रान्सको मुर्थे–एट–मोसेल क्षेत्रमा आइतबार एउटा सानो नागरिक विमान दुर्घटनाग्रस्त हुँदा त्यसमा सवार सबै ११ जनाको मृत्यु भएको छ। न्यान्सी–एसे विमानस्थलबाट उडेको विमान टोम्ब्लेन कम्युन नजिक दुर्घटनामा परेको स्थानीय सञ्चारमाध्यमहरूले जनाएका छन्।

बिएफएमटिभीका अनुसार मृतकमध्ये एक जना पाइलट र १० जना स्काइडाइभर रहेका छन्। दुर्घटनापछि मुर्थे–एट–मोसेलका प्रिफेक्ट यभ सेगुईले उद्धार तथा समन्वयका लागि विभागीय सञ्चालन केन्द्र सक्रिय पारिएको जानकारी दिएका छन्।

घटनास्थलमा उद्धार तथा आपतकालीन सेवाहरू परिचालन गरिएको छ। राष्ट्रिय प्रहरीले सर्वसाधारणलाई दुर्घटनास्थलबाट टाढा रहन तथा उद्धार कार्यमा सहयोग पुर्‍याउन आग्रह गरेको छ।