भक्तपुर, १३ असार । नेपाल मजदुर किसान पार्टी (नेमकिपा) पार्टीका अध्यक्ष नारायणमान बिजुक्छेँ (रोहित) ले अमेरिका–इरान द्वन्द्वमा इरानको पूर्वतयारीका कारण अमेरिका र इजरायल आफ्नो उद्देश्यमा सफल हुन नसकेको टिप्पणी गरेका छन् । उनले देशप्रति बफादार हुनुपर्ने र जघन्य अपराध तथा देशद्रोहमा संलग्न व्यक्तिलाई कडा कानुनी कारबाहीको व्यवस्था गर्नुपर्ने बताए ।

कोशी प्रदेश समितिले शनिबार अनलाइनमार्फत समसामयिक विषयमा प्रशिक्षण कार्यक्रमलाई बोल्दै बिजुक्छेँले सो साधारणा राखेका हुन् ।

बिजुक्छेँले भदौ २३ र २४ गते भएका घटनामा विदेशी प्रभाव रहेको दाबी गर्दै सरकारको गैरदलीय स्थानीय तह निर्वाचन गर्ने प्रस्ताव अनुपयुक्त भएको र यसले देशमा द्वन्द्वको जोखिम बढाउन सक्ने धारणा व्यक्त गरे ।