“प्यूठान जिल्ला स्वर्गद्वारी नगरपालिका उपप्रमुख कामरेड मिनराज रानाको १३ गते स्वर्गद्वारीबाट धनबाङ्तर्फ जाँदै गरेको सरकारी गाडी भीरबाट खसेर दुर्घटनाग्रस्त हुँदा उक्त दुर्घटनामा परी मृत्यु भएको छ । हामीले उहाँको मृत्युप्रति गम्भीर दुःख व्यक्त गर्दै सन्तप्त समस्त परिवारजनसहित राष्ट्रिय जनमोर्चा प्यूठान जिल्लाका सम्पूर्ण सदस्यहरूप्रति हार्दिक समवेदना र गहिरो सहानुभूति व्यक्त गर्दछौँ ।

कामरेड मिनराज राना हाम्रो पार्टीको होनाहार, जुझारु, इमान्दार, अनुशासित, प्रतिवद्ध र कर्तव्यनिष्ठ सदस्य हुनुहुन्थ्यो । उहाँले राष्ट्रिय जनमोर्चा प्यूठानको सल्लाहकार हुनुहुन्थ्यो । २०७९ को स्थानीय निर्वाचनमा उहाँ राष्ट्रिय जनमोर्चाको तर्फबाट स्वर्गद्वारी नगरपालिकाको उपप्रमुखमा निर्वाचित हुनुभएको थियो । हाम्रो पार्टीको आन्दोलनमा उहाँको धेरै महŒवपूर्ण भूमिका रहेको थियो । उहाँ सामाजिक जीवनमा सहज भिजेको स्वर्गद्वारी नगरपालिकाका जनताको प्रिय जनप्रतिनिधि हुनुहुन्थ्यो । यसरी उहाँको मृत्युले प्यूठानको कम्युनिस्ट आन्दोलनका साथै हाम्रो पार्टीको आन्दोलनमा अपूरणीय क्षति हुन गएको छ ।

रुपन्देही जिल्ला रोहिणी गाउँपालिका–५ निवासी कामरेड इन्दलप्रसाद केवटको ७३ वर्षको उमेरमा २०८३ असार १३ गते मृत्यु भएको छ । उहाँको मृत्युप्रति गहिरो दुःख व्यक्त गर्दै सन्तप्त परिवारजन तथा रुपन्देही जिल्लाका राष्ट्रिय जनमोर्चाका सम्पूर्ण सदस्यहरूप्रति हार्दिक समवेदना तथा गहिरो सहानुभूति प्रकट गर्दछौँ ।

कामरेड इन्दलप्रसाद केवट हाम्रो पार्टीको इमान्दार, कर्तव्यनिष्ट, अनुशासित र अत्यन्त स्वच्छ छवि भएको सदस्य हुनुहुन्थ्यो । तराई–मधेशका जनसमुदायमा उहाँ आदरणीय व्यक्तित्वको रुपमा स्थापित हुनुहुन्थ्यो । उहाँ राष्ट्रिय जनमोर्चा रोहीणी गाउँकमिटीको पूर्वअध्यक्ष हुनुहुन्थ्यो । उहाँको मृत्युबाट हाम्रो पार्टीको आन्दोलनका साथै रुपन्देही जिल्लाको कम्युनिस्ट आन्दोलनमा अपूरणीय क्षति हुन गएको छ ।अन्तमा हामीले कामरेड मिनराज राना तथा कामरेड इन्दलप्रसाद केवट दुवै जना कमरेडहरूप्रति हार्दिक श्रद्धाञ्जली व्यक्त गर्दछौँ ।”

२०८३ असार १४ गते ।