पोखरा । कास्कीको पोखरामा सीमा अतिक्रमणको विरुद्धमा तीन राजनीतिक दलले प्रदर्शन गरेका छन् ।
२०८३ जेठ ३१ गते आइतबार पोखराको महेन्द्रपुलमा सो कार्यक्रम सम्पन्न भएको हो ।
सीमा अतिक्रमणको विरोध गर्दै सबै राजनीतिक दलको तर्फबाट राष्ट्रिय जनमोर्चा कास्कीका अध्यक्ष रविमोहन ढकालले सङ्क्षिप्त मन्तव्य राख्नुभएको थियो ।
सो अवसरमा नेकपा (मसाल) कास्की प्रवक्ता चन्द्रबहादुर केसी, राजमो केन्द्रीय सदस्य शङ्कर बराल, क्रान्तिकारी कम्युनिस्ट पार्टीका केन्द्रीय सदस्य केशबहादुर परियार र नेकपा (माओवादी) का जिल्ला सेक्रेटरी उमेश सिकेको उपस्थिति थियो ।
त्यस्तै कार्यक्रममा अखिल नेपाल युवक सङ्घका अध्यक्ष गणेश अधिकारी, जातीय समता समाजका केन्द्रीय सदस्य विष्णु विक, क्रान्तिकारी कम्युनिस्ट पार्टीका ब्युरो सेक्रेटरी श्याम केसी, जिल्ला सेक्रेटरी विक्रम थापा, अखिल नेपाल किसान महासङ्घ (अप्फा) कास्कीका अध्यक्ष गङ्गाबहादुर थापा र अखिल नेपाल बुद्धिजीवी सङ्घका कास्कीका प्रबिन पौडेलको पनि उपस्थिति थियो ।
कार्यक्रममा प्रदर्शनकारीले सीमा अतिक्रमणका विरुद्ध नाराबाजी गर्दै प्लेकार्ड र ब्यानर प्रदर्शन गरेका थिए ।
