धनबहादुर मगर/कमल राना, काठमाडौँ ।

अध्यागमन विभागले डिजिटल टाइमकार्ड कार्यन्वयनमा ल्याएको छ । अध्यागमन विभागले कालिकास्थानस्थित आफ्नै कार्यालयबाट यही २०८३ जेठ ७ गतेदेखि औपचारिक रूपमा डिजिटल टाइमकार्ड आरम्भ गरेको हो ।

सो अवसरमा आयोजित पत्रकार सम्मेलनमा विभागका महानिर्देशक रामचन्द्र तिवारीले पत्रकारका जिज्ञासाको जबाफ दिनुभएको थियो ।

विभागले इरर भयो भने के गर्नुहुन्छ भन्ने प्रश्नमा रिफर्म अभियानकै रूपमा रहेकाले इरर आयो भने पुन: सुधार गरी अगाडि बढ्ने बताए । उनले मानिसलाई हैसियतअनुसार दाँजेर गर्ने व्यवहारकोे अन्त्य हुने बताए ।

विदेशी नागरिक नेपाल आएर के गर्छन्, कहाँ बस्छन् भन्ने कुरा सेवा थाहा पाउन पनि टाइमकार्ड प्रयोगमा ल्याएपछि अझ सहज हुने बताउनु भयो । टाइम कार्ड सफ्टवयरको प्रयोगले ७७ वटै जिल्ला कार्यालयबाट हुने सेवा प्रवाह अझ छिटो छरिटो भई सेवा ग्राही र सेवा प्रदायक दुबैलाई काम गर्न सहज हुने जनाएको छ

सेवा पाएन भन्ने गुणासोलाई सम्वोधन हुने गरि १०० दिने कार्यसूचीको काम भएको जनाएको छ ।

सेवा ग्राही र सेवादिनलाई समेत समयको वचत गर्न सजिलो हुन्छ । आरोप नआओस भनेर सक्दो व्यवस्थापन गरेका छौं । एनसिएचआरमा ईरर आयोभने सुधार गनुपर्छ । बजारको हल्ला चलेजसरी फ्रि भिसामा जाने नागरिकलाई फर्काउने गरेको छैन ।

विभागका प्रशासन प्रमुख पवनकुमार गुप्ताले विभागले सेवाग्राहीबाट सिधै डिजिटल टाइमकार्डबाट भुक्तानी गर्न सक्ने बनाएको बताए ।

विभागले सन् २०२० कै प्रविधि प्रयोग गरिरहेको अवस्थामा नयाँ नेपाली कोडको रूपमा ल्याएको उक्त टाइमकार्डले देशविदेशमा रहेका नेपाली र विदेशी नागरिकले आफ्नै घरबाट समेत सेवा प्राप्त गर्न सकिने बताए ।

विभागका निर्देशक टिकाराम ढकालले सेवाग्राहीले आफैले आफ्नो स्थिति हेर्न सकिने गरी बनाएको बताए ।

विगतमा हेर्न मिल्ने त्यस्तो सुविधा सेवाग्राहीलाई थिएन । अहिले घरैबाट पनि निवेदन दिएर काम भयो कि भएन भनेर हेर्न सकिन्छ । साथै भिसा प्रकृयाको लागि कागजात पुग्यो कि पुगेन भनेर हेर्न र अपलोड गर्न मिल्ने बनाइएको छ ।

विद्यमान सेवाप्रवाह प्रणालीलाई थप पारदर्शी, मापनयोग्य र उत्तरदायी बनाउनका लागि डिजिटल टाइमकार्ड एक सान्दर्भिक र अपरिहार्य उपकरण हो ।

विभागले कार्यान्वयन गर्न लागेको डिजिटल टाइमकार्ड प्रणाली नेपालीपोर्ट सफ्टवेयरमा अतिरिक्त मोड्युल रहेको जनाएको छ । यसले एकातिर सेवाग्राहीलाई आफ्नो आवेदनको स्थितिबारे तत्काल जानकारी उपलब्ध गराउनेछ । अर्कोतिर कर्मचारी र कार्यालयलाई कार्यसम्पादनका क्रममा थप उत्तरदायी र पारदर्शी बनाउने जनाएको छ ।

नेपाल सरकारले सार्वजनिक सेवा प्रवाहलाई प्रविधिमैत्री, मापनयोग्य र भरपर्दो बनाउने महत्त्वपूर्ण कदम भएको पत्रकार सम्मेलनमा जनाएको छ ।