बागलुङ । राष्ट्रिय जनमोर्चाले लकडाउन खुलेसँगै भेला, प्रशिक्षण तथा संगठन निर्माण अभियान सञ्चालन गर्न सुरु गरेको छ । विगतमा सञ्चालन गरिएको संगठनात्मक अभियान लकडाउनका कारण स्थगित भएकोमा लकडाउन खुलेसँगै फेरि संगठन निर्माण लगायतका गतिविधि अगाडि बढेको हो ।

त्यसै क्रममा बागलुङको ढोरपाटन नगरपालिकामा प्रशिक्षण भेलासँगै संगठन पुनर्गठन अभियानलाई तिब्रता दिईएको छ । साउन १२ गते राजमोको ढोरपाटन नगरपालिका–४ मा भेला गरी टोल टोलमा संगठन निर्माण अभियान सुरु गरिएको हो ।

यो पनिः बागलुङको ढोरपाटनमा राजमोको संगठन निर्माण

प्रशिक्षण
राष्ट्रिय जनमोर्चा बागलुङ, ढोरपाटन नगरसमितिले वडा नं ३ र ४ को संयुक्त प्रशिक्षण सञ्चालन गर्नुका साथै वडा नं ४ का विभिन्न स्थानमा टोल समितिहरु गठन गरेको छ ।

वडा नं ४ का विभिन्न टोलहरुमा भएका भेलाले राजमो र अखिल नेपाल युवक संघका टोल समितिहरु गठन गरेको राजमो नगर समितिका कोषाध्यक्ष एवं युवा नेता इन्द्रमान छन्त्यालले जानरकारी दिनुभएको छ ।

बुधबार भएको प्रशिक्षण भेलामा राजमो जिल्ला सल्लाहकार गौरीश्वर पाण्डे, अखिल नेपाल बुद्धिजीवी संघका केन्द्रीय सदस्य धनबहादुर कुँवर र जातीइ समता समाजका जिल्ला अध्यक्ष नरबहादुर सुनारले प्रशिक्षण दिनुभएको थियो । राजमो ढोरपाटन नगर सदस्य हिराबहादुर खत्रीको अध्यक्षता तथा कुलबहादुर छन्त्यालले सन्चालन गर्नुभएको कार्यक्रममा ४५ जना नेता कार्यकर्ताको उपस्थिति रहेको थियो ।

कार्यक्रममा राजमोको विधान र घोषणापत्र, जातीय विभेद, संगठन निर्माण र परिचालन, सिद्धान्त र व्यवहार, पार्टी र जनताबीचको सम्बन्ध, अनुशासन, तत्कालिन राजनीतिक परिस्थिति लगायतका विषयमा प्रशिक्षण दिइएको थियो ।

संगठन निर्माण
वडा भेला र प्रशिक्षण पछि वडा नं ४ का विभिन्न टोलमा संगठन निर्माण गरिएको राजमो नेता छन्त्यालले युगदर्शनलाई जानकारी दिनुभयो । उहाँका अनुसार हालै राजमो र अखिल नेपाल युवक संघका निम्न टोलहरु गठन भएको छ ।

फलाखानी टोल
फलाम खानीमा सम्पन्न भेलाले राजमोको टोल समिति गठन गरेको छ । समितिमा अध्यक्ष झकबहादुर विक, सचिव चोकबहादुर विक (रामु), सदस्य ओमप्रकाश विक (राजु) र चुडामणी विक रहनुभएको छ । सो समितिमा सदस्यहरु थप हुने बताइएको छ ।

धिरि सुवाखोला
यस्तै, धिरि सुवाखोलामा सम्पन्न अर्को भेलाले राजमोको टोल समिति गठन गरेको छ । जसको अध्यक्ष लालबहादुर विक, उपाध्यक्ष तुलबहादुर छन्त्याल (तुलेन्द्र), कोषाध्यक्ष ललित गोतामे, सचिव सुरेनद्र गोतामे, र सदस्यहरुमा श्याम गोतामे, रत्नबहादुर अर्गेजा, वीरबहादुर छन्त्याल, रनकुमारी छन्त्याल र विप्लव छन्त्याल रहनुभएको छ ।

गहुँखेत राईजुङ पुरानो गाउँ र मवाङ टोल
अध्यक्ष गौरीप्रसाद अर्गेजा, सचिव टेकबहादुर अर्गेजा, कोषाध्यक्ष डम्बर बहादुर अर्गेजा र सदस्य प्रेम छन्त्याल रहनुभएको छ । यस्तै,सो समितिमा पनि सदस्यहरु थप गरिने बताइएको छ ।

युवक संघ (किरी टोल समिति)
यस्तै, अखिल नेपाल युवक संघको टोल भेलाले किरीटोलमा समिति गठन गरेको छ । जसको अध्यक्ष तुलेन्द्र अर्गेजा, उपाध्यक्ष खगेन्द्र अर्गेजा, सचिव तेजिन्द्र पुन, कोषाध्यक्ष समीर अर्गेजा, सदस्यहरु कृष्ण सेरबुजा, कमल सेरबुजा, रमेश सेरबुजा र भूमिराज सेरबुजा रहनुभएको छ ।

फलामखानी टोल
फलामखानीमा भएको युवाहरुको भेलाल लक्ष्मण रसाइलीको अध्यक्षतामा टोल समिति गठन गरेको छ । जसको उपाध्यक्ष खिमबहादुर विक, सचिव यमु विक, सहसचिव इनद्रबहादुर विक रकोषाध्यक्ष तिलक विक तथा सदस्यहरुमा मिलन विक, चन्द्रकला विक, सुनिल विक, श्याम विक, रामबहादुर विक र शंकर विक रहनुभएको छ ।

यो पनिः लकडाउन समाप्तिसँगै राजमोको संगठन अभियान अगाडि बढ्दै