महेश रिजाल, भालुबाङ (दाङ) ।
राप्ती गाउँपालिका वडा नं. ३ मसुरियास्थित श्री दुर्गाभवानी आधारभूत विद्यालयद्वारा प्रकाशित ‘दुर्गावाणी’ पुस्तकको दोस्रो अङ्कको २०८३ जेठ १ गते औपचारिक समारोहका बिच विमोचन गरिएको छ ।
विद्यालय व्यवस्थापन समितिका अध्यक्ष किरण भण्डारीको अध्यक्षतामा सो समारोह सम्पन्न भएको थियो ।
समारोहमा प्रमुख अतिथि राप्ती गाउँपालिकाका उपाध्यक्ष कमलापति चौधरीले ब्यानर पढेर उद्घाटन गर्नुभएको थियो ।
शिक्षाविद डा. जीवराज आचार्य, ऐरावती आदर्श बहुमुखी क्याम्पसका प्रमुख विक्रान्त ज्ञवाली, सुशील भट्ट, वडा नं. ३ का वडाअध्यक्ष उमेश अधिकारी, गाउँपालिका शिक्षा अधिकृत देवी मल्ललगायतले पुस्तकको सामूहिक विमोचन गर्दै पुस्तकको समीक्षात्मक मन्तव्य दिनुभएको थियो ।
कार्यक्रममा स्वागत मन्तव्य केशवराज आचार्यले राख्नु भएको थियो भने सञ्चालन शिक्षक टोपलाल गैरेले गर्नुभएको थियो ।
