खिमराज चालिसे
राजपुरा । भारतको पंजाब राज्यको राजपुरामा आईतबार मई ३, २०२६ को सम्पन्न मूल प्रवाहको भेलाले राजपुरा बि एरिया समितिको गठन गरेको छ ।
भेलाको उद्घाटन मूल प्रवाहका केन्द्रीय सदस्य प्रेम आचार्यले गर्नु भएको थियो । नवगठित एरिया समितिको घोषणा मूल प्रवाह सुदुर पश्चिमोत्तर क्षेत्रीय सदस्य एवं महिला संयोजक माया आचार्यले गर्नुभएको थियो ।
भेलाले मनु तामाङको अध्यक्षतामा १७ सदस्यीय एरिया समिति गठन गरेको छ । जस्माः सचिव– सीता शर्मा, कोषाध्यक्ष– हेमा घर्ती रहनु भएको छ ।
त्यसैगरि सदस्यहरूमाः रंजिता कोईराला, तुल्सिदेबि, कविता थापा, तिर्थ कुमारी बिष्ट, मालती पुन, तुल्सा के.सी, निर्मला खडका, सानु लामा, कमला शर्मा, कल्पना शाही, गौरी बिक रहनु भएको छ भने तिन स्थान रिक्त राखिएको छ ।
नवनिर्वाचित समितिलाई मूल प्रवाह पटियाला नगर समितिका अध्यक्ष बिष्णु भुसाल, नगर कोषाध्यक्ष बिष्णु रेग्मी, नगर सदस्य अर्जुन के.सी, महिला विभागकी जानकी भुसाल र सरिता केसी लगाएतले शुभकामना दिनु भएको थियो ।
कार्यक्रम सिताराम आरसीको सञ्चालनमा तथा बसन्त सुनारको अध्यक्षतामा सम्पन्न भएको थियो ।
