काठमाडौं । सरकारले नेपाल रेडक्रस सेसाइटीको बर्तमान कार्यसमिति भंग गरेको छ । सोमबार बसेको मन्त्रिपरिषद बैठकले कार्यसमिति विघटन गरेको हो ।

मन्त्रिपरिषदले सञ्जीव थापा नेतृत्वको कार्यसमिति भंग गरी नेत्र तिमिल्सिनाको नेतृत्वमा ३३ सदस्यीय तदर्थ समिति गठन गरेको स्रोतले बताएको छ । अनियमिततामा मुछिएको भन्दै थापा नेतृत्वको समिति भंग गरिएको हो । थापा २०६४ सालदेखि रेडक्रसको अध्यक्ष थिए ।

रेडक्रसमा लामो समयदेखि एउटै कार्यसमिति रहेको र व्यापक अनियमितता भएको समाचार आएको थियो । राष्ट्रिय योजना आयोगका सदस्य मीनबहादुर शाहीको संयोजकत्वमा गठित अध्ययन तथा अनुगमन समितिले रेडक्रसमा अनियमितता भएको ठहर गर्दै विघटनको सिफारिस गरेको थियो ।