काठमाडौँ । नेपाल भ्रमणमा रहेका अमेरिकी सहायक विदेशमन्त्री समीर पल कपुर काठमाडौंस्थित बौद्ध स्तुपा पुगेका छन् । आज बिहान सवा ११ बजे उनीसहित अमेरिकी कार्यवाहक राजदूत स्कट उर्वमले बौद्ध स्तुपा भ्रमण गरेका हुन् ।

कपुरलाई अमेरिकी सरकारबाट मध्य तथा दक्षिण एशियाली मामिलासम्बन्धी जिम्मेवारी रहेको बताइन्छ ।

हिजो बिहान नेपाल आएका कपुर र कार्यवाहक राजदूत उर्वमले आज बिहान सिंहदरबारमा परराष्ट्रमन्त्री शिशिर खनाल र अर्थमन्त्री डा.स्वर्णिम वाग्लेसँग भेटवार्ता गरेर उनीहरु सिंहदरबारबाट निस्किएका थिए ।

नयाँ सरकारको आगमन संगसंगै अमेरिकी उच्चअधिकारीहरूको नेपालमा उपस्थिति बाक्लिदै गएको छ । यस अघि पनि विदेशी विभागका प्रमुखको नेपालमा आगमन भएको थियो ।