खिमराज चालिसे
मनाली । भारतको हिमाचल राज्यको मनालीमा हिजो १३ अप्रेल २०२६ का दिन मूल प्रवाह अखिल भारत नेपाली एकता समाज मनाली नगर समितिले नयाँ वर्षको शुभकामना आदान–प्रदान कार्यक्रम सम्पन्न गरेको थियो ।
कार्यक्रममा राज्य समितिका सदस्य रबि पुनको प्रमुख आथित्यता रहेको थियो । त्यस्तै नगर अध्यक्ष रतनलाल पुन, उपाध्यक्ष कुमार लामा, कोषाध्यक्ष बिष्णु शर्मा, सचिवालय सदस्यहरू सानुमाया श्रेष्ठ र टसी तामाङ, एरिया अध्यक्ष राजेन्द्र कुमार खत्री, उपाध्यक्ष बिरा मगर, सल्लाहकारहरू टिका लामा र तरमा लामा, भुपु नगर सदस्य जिना शेर्पा लगाएतको आथित्यता रहेको थियो ।
व्हिलचेयरमा आएर भुपु नगर सदस्य जिना शेर्पाले एकप्रकारको उर्जा र उल्लासपूर्ण वातावरण बनाई दिनुभएको नगर सचिव तिलक सिंजापतीले बताए । त्यस्तै सिंजापतिका अनुसार कार्यक्रमका प्रमुख अतिथि रबि पुनले रु ११००० एघार हजार संगठन परिचालनको लागि आर्थिक सहयोग पनि गर्नु भएको थियो ।
कार्यक्रम नगर सचिव तिलक सिजापतीको सञ्चालनमा तथा कमला शाहिको अध्यक्षतामा सम्पन्न भएको थियो । कार्यक्रममा सहभागिहरूलाई सुनिता कठायतले स्वागत गर्नु भएको थियो ।
