खिमराज चालिसे
चंडीगढ । सडक दुर्घटनामा मृत्युबरण गरेकि मिरा बिकको शव मूल प्रवाह अखिल भारत नेपाली एकता समाज मनाली नगर समितिको सहयोग र आफन्तजनको उपस्थितिमा दाहासंस्कार गरिएको छ ।
२८ वर्षकी मिरा भारतको हिमाचल राज्यको मनालीमा अप्रेल ९, २०२६ का दिन सडक दुर्घटनामा परेकी थिइन् ।
घटनाको जानकारी पाउने वित्तीकै मूल प्रवाह मनालीका अध्यक्ष रतनलाल पुनको नेतृत्वमा समाजका कार्यकर्ताहरूले घटनास्थल पुगी आवश्यक जाँचबुझ गरेका थिए ।
दुर्घटनामा परेकी मिरा बसबाट झर्ने क्रममा बस नम्वर एचपी ६६/२००७ को टाएरले किचिँदा घटनास्थल मै निधन भएको थियो ।
मृतकको अप्रेल १०, २०२६ का दिन पोस्टमार्टम पश्चात परिवार र आफन्तहरू एवं मूल प्रवाहको सहयोगमा दाह–संस्कार गरिएको सचिव तिलक सिजापतीले युगदर्शनलाई जानकारी दिएका छन् ।
कानुनी प्रकृया अनुसार ४ लाख भारु मृतकको आश्रीतलाई एसिडिटी मार्फत राहत रकम दिलाउने प्रकृयामा मूल प्रवाहले सहजिकरण गर्ने बताईएको छ ।
मृतक मिरा विक गुल्मी जिल्ला मदाने गाउँपालीका सिर्सेनि सिम निवासी करण बहादुर बिक र पिंकी बिककी छोरी हुन् ।
