हैदरावाद । भारतको तेलंगाना राज्यको हैदराबाद स्थित एक पार्कमा खेल्दाखेल्दै ८ वर्षिय बालकको आईतवार मार्च २९, २०२६ का दिन पानीमा डुबेर दुःखद निधन भएको छ ।
बालकको निधन पछि मूल प्रवाह अखिल भारत नेपाली एकता समाजको प्रतिनिधि मण्डल घटना स्थल पुगी घटना विवरण संकलन गरेको थियो । तत्पश्चात आवश्यक कानुनी प्रकृया अगाडि बढाइरहेको शंकर नेपालीले जानकारी दिनु भएको छ ।
प्युठान जिल्ला स्वर्गद्वारी नगरपालिका ७ तापा निवासी राज कुमार नेपाली र कमला नेपालीको छोरा शुशान्त (बोलाउने नाम दिप) बर्ष ८ को कक्षा १ मा अध्ययनरत बालक चैत्र १५ गते नजिकै पोखरीको पानीमा डुबेर दुःखद निधन भएको हो ।
घटना पछि मुल प्रवाह अखिल भारत नेपाली एकता समाज मध्य दक्षिण भारत क्षेत्रीय समितिका क्षेत्रीय प्रतिनिधि शंकर नेपालीको नेतृत्वमा एरिया समितिका प्रतिनिधिहरू हुम बहादुर नेपाली, पुनाराम नेपाली, डोम बहादुर नेपाली, लाल बहादुर नेपाली तथा अन्य आफन्त तथा स्थानीय नेताहरूको सहयोगमा कानुनी प्रक्रिया पूरा गरि अन्तिम सस्कार गरिएको छ ।
