पाण्डेचरी । मूल प्रवाह अखिल भारत नेपाली एकता समाज पाण्डेचरी नगर समितिले जगतबहादुर थारुलाई आर्थिक सहयोग गरेको छ ।
बर्दिया जिल्ला ठाकुर बाबा नगरपालिका ४ बगनाह निवासी मनिराम चौधरी र मिना चौधरीका ३५ वर्षीय छोरा जगतबहादुर थारुले आफुलाई आर्थिक समस्या देखाई नगर समितिमा बाटा खर्चका लागि निवेदन दिएका थिए ।
उनले तामिलनाडुको भेल्लिपुरममा लेवर काम गदैआएको सन्दर्भमा सिमेन्टको बोरा उठाउने क्रममा ४ फेब्रुअरी २०२६ का दिन दुर्घटना भई पेट छेडिदा आन्द्रा बाहिर निस्केको थियो । तामिलनाडुको कालापेटको बासिन्दा स्थानीय तामिल भाषि ठेकेदार पुरुसोत्तम ईमान्दार भएको हुँदा सबै उपचार ठेकेदारद्वारा भएको थियो ।
चौधरीले पाण्डेचरीको अरोभिलमा आफन्तकोमा बसी स्वास्थ्यलाभ लिइरहेका छन् । उनी अप्रिल ६ गते नेपाल जाँदैछन् । उनलाई बाटा खर्चको लागि मूल प्रवाह नगर सदस्य तथा हेडेनचौडि एरिया समितिका अध्यक्ष सुरेश चौधरी र महिला सदस्य रिता थारुको पहलमा अर्थिक सङकलन गरि मार्च २९, २०२६ का दिन नगर अध्यक्ष गोविन्द शर्मा र सचिव रवि पौडेलको उपस्थितिमा नगद सात हजार पाँच सय रुपैयाँ हस्तान्तरण गरिएको छ ।
