काठमाडौँ । शुक्रबारदेखि सक्रिय भएको वर्षाले पाल्पामा सबैभन्दा बढी पानी परेको छ ।

जल तथा मौसम विज्ञान विभागकाका अनुसार सबैभन्दा धेरै पाल्पामा परेको हो ।

मौसमविद् विभूति पोखरेलले मौसममा राम्रो सुधार भइसकेको जानकारी दिँदै अब हिजो र आज बिहानको जस्तो वर्षा नहुने बताइन् ।

पोखरेलका अनुसार प्रि–मनसुनका गतिविधि भने कायम नै रहने र आइतबार पनि छिटफुट बदली भने जारी रहने छ । अहिले नेपालको पूर्व क्षेत्रमा र अन्य क्षेत्रका कतैकतै हल्का वर्षा भइरहेको र यो पनि विस्तारै हट्ने उनको भनाइ छ ।

अहिलेको वर्षा गराउने प्रणाली बाहिरिए पनि घाम लाग्ने, फेरि बदली हुने क्रम भने प्रिमनसुनमा रहिरहने तर ठूलो र अलि लामो वर्षा भने तत्काल नहुने उनले बताइन् ।