काठमाडौँ, ३ चैत । त्रिभूवन अन्तर्राष्ट्रिय विमानस्थलबाट गाँजाजस्तो देखिने तीन किलो १६० ग्राम वस्तुसहित दुई जना  भारतीय नागरिक पक्राउ परेका छन् ।

बैंकबाट नेपाल एअरलायन्सको विमानमा आएका उनीहरुलाई गएराति पक्राउ गरिएको हो ।

केन्द्रीय प्रहरी समाचार कक्षका अनुसार चन्द्रागिरी– २ नागढुंगाबाट ब्राउनसुगरसहित एक जना, कञ्चनपुरको बेलौरी– ६ बाट एक जना, सोही नगरपालिकाको सडकघाट पीपलचौताराबाट तीन जना, वडा नं ८ बाट दुई जना, भीमदत्त– ११ बाट एक जनालाई लागूऔषधसहित पक्राउ गरिएको हो ।

यसैगरी, बर्दियाको बढैयाताल– ७ बाट ब्राउनसुगरसहित दुई जना, धनगढी– २ बैयाबेहडीबाट दुई जना, सोही उपमहानगरपालिकाको त्रिनगरबाट तीन जना, रुपन्देहीको लुम्बिनी सांस्कृतिक– ६ रमवापुरबाट दुई जना र पोखरा– २ बागलुङ बसपार्कबाट एक जनालाई पक्राउ गरिएको उक्त समाचार कक्षले जनाएको छ ।