काठमाडौँ । प्रतिनिधिसभा सदस्य निर्वाचनअन्तर्गत काठमाडौँ निर्वाचन क्षेत्र नं. ६ मा रास्वपाका उम्मेदवार शिशिर खनाल विजयी भएका छन् ।
शुक्रबारको अन्तिम मतपरिणाम अनुसार ४३ हजार आठ सय ६३ मतगणना हुँदा खनालले २७ हजार सात सय १९ मत प्राप्त गरेर विजय भए ।
उनका निकटतम प्रतिस्पर्धी नेपाली कङ्ग्रेसका उम्मेदवार सबुज बनियाले छ हजार छ सय ४७ मत प्राप्त गरेका थिए ।
त्यस्तै क्षेत्र नं. ८ मा रास्वपाका उम्मेदवार विराजभक्त श्रेष्ठ विजय भएका छन् ।
श्रेष्ठले २४ हजार पाँच सय ९२ मत प्राप्त गर्दै जित दर्ता गर्दा निकटतम प्रतिद्वन्द्वी नेपाली कम्युनिस्ट पार्टीका सुमन सायमीले जम्मा तीन हजार दुई सय १७ मत प्राप्त गरे ।
यता मनाङबाट कङ्ग्रेसका उम्मेदवार टेकबहादुर गुरुङ विजयी भएका छन् । शुक्रबार साँझ सम्पन्न अन्तिम मतपरिणामअनुसार गुरुङले दुई हजार चार सय १४ मत पाउँदा निकटम प्रतिद्वन्द्वी नेकपाकी उम्मेदवार एशोदा गुरुङ सुवेदीले चार सय ५४ मत पाइन् ।
नेकपाका संयोजक पुष्पकमल दाहालले रुकुम पूर्वबाट विजयी भएका छन् । अन्तिम मतपरिणामअनुसार उनी १० हजार दुई ४० मतसहित विजयी भएका हुन् । उनका निकटतम प्रतिद्वन्द्वी नेकपा (एमाले) का लीलामणि गौतमले तीन हजार चार सय ६२ मत प्राप्त गरेका थिए ।
