काठमाडौँ । राजधानीसहित देशका सहरी क्षेत्रमा तीव्र गतिमा मतगणना भइरहेको छ । फागुन २१ गते साँझ मतगणना भएसँगै रातिबाट मतगणना सुरु भएको हो ।

काठमाडौँ उपत्यका, झापा, रुपन्देही, चितवन, तनहुँ, रौतहट, मकवानपुरसहित धेरै स्थानमा मतगणना सुरु भएको छ । यसमध्ये काठमाडौँ, झापा, रुपन्देहीमा तीव्र गतिमा मतगणना भइरहेका छन् ।

पहाडी इलाकाम भने मतगणना अझै सुरु भइसकेको छैन । कतिपय जिल्लामा आज बिहानबाट सर्वदलीय बैठक बसेर मतगणना सुरु गर्ने भनिएको छ भने सुदूर पहाडी वा हिमाली जिल्लाका कतिपय स्थानमा भने मतगणना सदरमुकाम नै आउन बाँकी छ ।

हालसम्म मतगणना भएका स्थानमा राष्ट्रिय स्वतन्त्र पार्टीको अग्रता कायमै छ । रास्वपाले हालसम्म ३३ स्थानमा अग्रता, त्यसपछि नेपाली कङ्ग्रेस पाँच स्थानमा, एमाले चार स्थानमा र नेपाली कम्युनिस्ट पार्टी एक स्थानमा अगाडि देखिएका छन् ।