काठमाडौँ । काठमाडौँका निर्वाचन क्षेत्र नं. ७, क्षेत्र नं. १०, काभ्र्रेपलाञ्चोक र चितवन–३ का राष्ट्रिय जनमोर्चाका उम्मेदवारहरूले मतदान गर्नुभएको छ ।
२०८२ फागुन २१ गते बिहीबार आआफ्नो क्षेत्र र जिल्लाबाट उहाँहरूले मतदान गर्नुभएको हो ।
काठमाडौँ क्षेत्र नं. ७ का उम्मेदवार दीर्घबहादुर श्रेष्ठले मतदान गर्नुभएको छ । काठमाडौँ महानगरपालिकाको वडा नं. ९ स्थित कामना स्कुलमा कायम गरिएको मतदान केन्द्रबाट उहाँले मतदान गर्नुभएको हो ।
त्यस्तै, काठमाडौँ निर्वाचन क्षेत्र नं. १० का उम्मेदवार अमर पौडेलले पनि मतदान गर्नुभएको छ । कीर्तिपुर नगरपालिका वडा नं. १ बाघ भैरव वडाकार्यालयमा स्थापना गरिएको मतदान केन्द्रमार्फत उहाँले मतदान गर्नुभएको हो ।
काभ्रेपलाञ्चोक निर्वाचन क्षेत्रबाट राजमो उम्मेदवार सुवर्णविक्रम थापाले मतदान गर्नुभएको छ । बनेपा नगरपालिका–१२ स्थित वडाकार्यालयमा पुगी उहाँले मतदान गर्नुभएको हो ।
चितवनको क्षेत्र नं. ३ मा राजमो उम्मेदवार कृष्ण केसीले मतदान गर्नुभएको छ । मतदान गर्न उहाँ भरतपुर महानगरपालिका–१८ को शशिनगर विद्यालयमा कायम गरिएको मतदान केन्द्र पुग्नुभएको थियो ।
