काठमाडौँ । राष्ट्रिय जनमोर्चाका अध्यक्ष तथा समानुपातिक उम्मेदवार चित्रबहादुर केसी, कावा अध्यक्ष तथा समानुपातिक उम्मेदवार रश्मिराज नेपाली, उपाध्यक्ष जनकराज शर्मा र उपाध्यक्ष, प्रवक्ता तथा समानुपातिक उम्मेदवार दुर्गा पौडेलले मतदान गर्नुभएको छ ।
२०८२ फागुन २१ गते बिहीबार उहाँहरूले आआफ्नो जिल्लाको मतदान केन्द्रबाट मतदान गर्नुभएको हो ।
अध्यक्ष केसीले रुपन्देही निर्वाचन क्षेत्र नं. १ अन्तर्गत तिलोत्तमा नगरपालिकाको ४ नम्बर मतदान केन्द्रमा पुगेर बिहानै मतदान गर्नुभएको हो ।
‘तिलोत्तमा–४ मतदान केन्द्रमा पुगेर भोट गरेँ’ अध्यक्ष केसीले युगदर्शनलाई भन्नुभयो– ‘अहिले मतदानको पर्यवेक्षण गर्न हिँडिरहेको छु ।’
कावा उपाध्यक्ष नेपालीले पनि दाङको गढवा गाउँपालिका–१ बडहरास्थित आदर्श प्रावि मतदान केन्द्रमा पुगेर मतदान गर्नुभएको छ ।
‘बिहानै आदर्श प्रावि पुगेर मतदान गरेँ । त्यहाँ शान्तिपूर्ण प्रकारले मतदान भइरहेको छ’ उहाँले भन्नुभयो ।
राजमो उपाध्यक्ष शर्माले सुर्खेतको वीरेन्द्रनगर–११ बाट मतदान गर्नुभएको छ । शर्माले त्यहाँको चन्द्रगङ्गा माविस्थित मतदान केन्द्रमा पुगेर मतदान गर्नुभएको हो ।
राजमोकी अर्की उपाध्यक्ष, प्रवक्ता तथा समानुपातिक उम्मेदवार पौडेलले प्युठानको झिमरुकमा पुगेर मतदान गर्नुभएको छ । उहाँले झिमरुक–५ मच्छीस्थित बालशिषा मावि मतदान केन्द्रमा पुगेर मतदान गर्नुभएको हो ।
