काठमाडौँ । संयुक्त अरब इमिरेट्सको अबुधावीस्थित नेपाली राजदूताबासले जायद विमानस्थलमा ड्रोन निष्क्रिय पार्दा ज्यान गुमाएका दिवस श्रेष्ठको शव नेपाल ल्याउन पहल गर्ने बताएको छ ।
मार्च २, २०२६ सोमबार दिन शोकवक्तव्य जारी गर्दै दूताबासले गोरखा जिल्ला घर भएका २९ वर्षीय श्रेष्ठको शवबारे सो जानकारी दिएको हो ।
इरानद्वारा अमेरिकी बेसक्याम्पमा अमेरिकी आक्रमणको प्रत्याक्रमण गर्ने क्रममा श्रेष्ठको निधन भएको जानकारी युएईको परराष्ट्र मन्त्रालयले जानकारी दिएको विज्ञप्तिमा उल्लेख छ ।
विज्ञप्तिमा भनिएको छ– “परिस्थिति सहज भएपश्चात स्व. श्रेष्ठको पार्थिक शरीर यथाशीघ्र स्वदेश फिर्ता लैजानेलगायतका सम्पूर्ण कार्यमा सहजीकरण गर्न नेपाली दूताबास तत्पर रहेको व्यहोरा अनुरोध गरिन्छ ।”
दूताबासले नेपालीलाई संयमता अपनाउन तथा सुरक्षित स्थानमा रहन र युएई सरकारद्वारा जारी गरिएका सुरक्षा मापदण्ड पूर्ण रूपमा पालना गर्न पनि अनुरोध गरेको छ ।
