परासी । राष्ट्रिय जनमोर्चा नवलपरासी (बर्दघाट सुस्ता पश्चिम) ले जिल्लाका विभिन्न पाँच स्थानमा चुनावी सभा सम्पन्न गरेको छ ।

अध्यक्ष तथा समानुपातिक उम्मेदवार चित्रबहादुर केसीको प्रमुख आतिथ्यमा २०८२ फागुन १६ गते शनिबार सो कार्यक्रम सम्पन्न भएका हुन् ।

सुनवल, परासी र भुमईमा सम्पन्न कोणसभालाई अध्यक्ष केसीसँगै क्षेत्र नं. २ का उम्मेदवार पार्वता पौडेल (सम्झना) ले पनि सम्बोधन गर्नुभएको थियो ।

त्यस्तै गोपीगञ्ज र जिमरिभारमा सम्पन्न कोणसभालाई क्षेत्र नं. १ का उम्मेदवार ढुण्डिराज पोखरेलले पनि सम्बोधन गर्नुभएको थियो ।

सबै स्थानका कोणसभाको अध्यक्षता नेकपा (मसाल) नवलपरासीका प्रवक्ता रेम रानाले र सञ्चालन राजमो लुम्बिनी प्रदेश समितिका सदस्य तिलक सुवेदीले गर्नुभएको थियो ।