हेटौँडा । राष्ट्रिय जनमोर्चा मकवानपुर प्रतिनिधि सभा क्षेत्र नम्बर २ अन्तर्गत घरदैलो अभियान तीव्र गतिमा सञ्चालन भइरहेको छ ।
राजमो केन्द्रीय निर्वाचन परिचालन समितिका सदस्य सानोभाइ कार्कीको नेतृत्वमा २०८२ फागुन १६ गते शनिबार सो कार्यक्रम सञ्चालन भएको हो ।
थाहा नगरपालिकाको डाँडागाउँबाट सुरु भएको सो अभियान डाँडाबास, चौबास, चिसापानी, छाप, देउखेल, महादेवखर्क, चल्ती, लामेचौर, मोरिया, पुरानखानी, ऐसेलुखर्क, काभ्रे गल्छी, दामगाडे गैरिगाउँ हुँदै डाँडाबाससम्म पुगेको थियो ।
टोलीमा मकवानपुर–२ का उम्मेदवार तथा राजमोका जिल्ला अध्यक्ष निरबहादुर सिन्तान, समानुपातिक उम्मेदवार शोभा गोपाली, निर्वाचन परिचालन समिति मकवानपुरका संयोजक शुभराज गोले, अखिल नेपाल टे«ड युनियन महासङ्घ (अन्टुक) कोषाध्यक्ष पुरुषोत्तम कार्की, राष्ट्रिय सहकारी अभियानका केन्द्रीय सदस्य कृष्णबहादुर विष्ट, अखिल नेपाल महिला सङ्घ मकवानपुरकी जिल्ला सदस्य प्रमिला कार्की, राजमो शुभेच्छुकहरू विवेक विष्ट, लक्ष्मण विष्ट, विक्रम विष्टलगायतको सहभागिता रहेको थियो ।
अभियानमा राजमोलाई शुभेच्छा प्रकट गर्ने धेरै मतदातासँग भेटघाट, घोषणपत्र तथा पर्चा वितरणलगायतको कार्यक्रम गरिएको राजमोले जनाएको छ ।
