सिन्धुलीबजार । राष्ट्रिय जनमोर्चाले सिन्धुलीमा आगामी फागुन २१ गतेको चुनावको सन्दर्भलाई लिएर घरदैलो कार्यक्रम सम्पन्न गरेको छ ।
रक्तिम सांस्कृतिक अभियानका केन्द्रीय सदस्य दीप गोले तामाङ तथा राजमो सिन्धुलीका अध्यक्ष मानबहादुर लोको नेतृत्वमा २०८२ फागुन १५ गते शुक्रबार सो कार्यक्रम सम्पन्न भएको हो ।
केन्द्रीय सदस्य गोले तथा राजमो जिल्ला अध्यक्ष लो नेतृत्वको उक्त टोलीमा राजमो नेताहरू कीर्तिमान मिक्चन, प्रमिला पाख्रिन, निर्मला पाख्रिनलगायतको सहभागिता रहेको थियो ।
स्टलबजारबाट सुरु भएको जनभेटघाट कार्यक्रम धुराबजार, फाँटबजार, डुङ्गेबाससम्म चलेको थियो ।
फागुन १६ गते मरिण गाउँपालिकाको ५ नं. वडा चौकीटार, पिउरीखोलालगायतका क्षेत्रमा जनभेटघाट तथा घरदैलो कार्यक्रम गरिने रक्तिमका केन्द्रीय सदस्य गोलेले युगदर्शनलाई जानकारी गराउनुभयो ।
‘भेटघाटको क्रममा राजमोले लोकतन्त्र, राष्ट्रियता, धर्मनिरपेक्षताको रक्षा तथा सङ्घीयता खारेजीमा जोड दिएको तथा जनताले राजमोको नीति, विचार, कार्यक्रम तथा पार्टीअध्यक्ष चित्रबहादुर केसीको निष्कलङ्क छविबारे जानकार रहेको प्रतिक्रिया दिएका छन्’ जिल्ला अध्यक्ष लोको भनाइ थियो ।
उहाँले राजमोको प्रचारप्रचार प्रसार अभियान फागुन १८ गतेसम्मै चल्ने पनि बताउनुभयो ।
