काठमाडौँ । प्रगतिशील पत्रकार सङ्घका केन्द्रीय सल्लाहकार ज्ञानेन्द्र तिमिल्सेना तथा अखिल नेपाल शिक्षक सङ्घ सिन्धुपाल्चोक बलेफीका सदस्य कमलप्रसाद तिमिल्सिना पितृशोकमा पर्नुभएको छ ।
२०८२ फागुन ९ गते बुबा गङ्गाप्रसाद तिमिल्सिनाको निधन भएसँगै उहाँहरू पितृशोकमा पर्नुभएको हो ।
सिन्धुपाल्चोक जिल्लाको बलेफी गाउँपालिका, वडा नं. ५ निवासी स्मृतिशेष तिमिल्सिनाको जन्म २००४ असार २२ गते भएको थियो ।
उहाँको परिवारमा पत्नी गोमाकुमारी तिमिल्सिना, छोरी गोमादेवी पराजुली, कमला पराजुली, छोराहरू ज्ञानेन्द्र तिमिल्सिना, कमलप्रसाद तिमिल्सिना र निर्मल तिमिल्सिनालगायत रहेका छन् ।
प्रगतिशीलद्वारा श्रद्धाञ्जली
यसैबिच, प्रगतिशीलले शोकवक्तव्य जारी गर्दै स्मृतिशेष गङ्गाप्रसाद तिमिल्सिनाप्रति श्रद्धाञ्जली तथा शोकसन्तप्त परिवारप्रति समवेदना व्यक्त गरेको छ ।
अध्यक्ष श्यामलाल पोखरेलको हस्ताक्षरमा फागुन १४ गते शोकवक्तव्य जारी गर्दै प्रगतिशीलले श्रद्धाञ्जली तथा समवेदना व्यक्त गरेको हो ।
शोकवक्तव्यमा भनिएको छ– “हाम्रो सङ्गठन प्रगतिशील पत्रकार सङ्घका केन्द्रीय सल्लाहकार ज्ञानेन्द्र तिमिल्सिनासमेतका ७८ वर्षीय पिता गङ्गाप्रसाद तिमिल्सिनाको २०८२ फागुन ९ गते निधन भएकोमा भावपूर्ण श्रद्धाञ्जली व्यक्त गर्दछौँ साथै शोकसन्तप्त तिमिल्सिना परिवारप्रति समवेदना व्यक्त गर्दछौँ ।”
शिक्षक सङ्घको पनि श्रद्धाञ्जली
त्यस्तै, शिक्षक सङ्घले पनि शोकवक्तव्य जारी गर्दै स्मृतिशेष तिमिल्सिनाप्रति श्रद्धाञ्जली तथा शोकसन्तप्त परिवारप्रति समवेदना व्यक्त गरेको छ ।
सङ्घका राष्ट्रिय समिति सदस्य गङ्गाप्रसाद पौडेलले फागुन १४ गते शोकवक्तव्य जारी गर्दै श्रद्धाञ्जली तथा समवेदना व्यक्त गरिएको हो ।
शोकवक्तव्य यस्तो छ– “अखिल नेपाल शिक्षक सङ्घ सिन्धुपाल्चोक जिल्लाको बलेफी गाउँपालिकाका अध्यक्ष कमलप्रसाद तिमिल्सिनासमेतका बुबा गङ्गाप्रसाद तिमिल्सिनाको निधन भएकोमा हामी उहाँप्रति श्रद्धाञ्जली व्यक्त गर्दछौँ तथा सन्तप्त परिवारप्रति समवेदना व्यक्त गर्दछौँ । शोकको यस घडीमा सम्पूर्ण तिमिल्सिना परिवारप्रति धैर्यधारण गर्न अनुरोध गर्दछौँ ।”
