तौलिहवा । राष्ट्रिय जनमोर्चा कपिलवस्तु क्षेत्र नं. ३ को चुनाव प्रचारप्रसार समितिले जिल्लाका चार ठाउँमा प्रचारात्मक कोणसभा सम्पन्न गरेको छ ।
जिल्लाको कृष्णनगर, बहादुरगञ्ज, महाराजगञ्ज र खरेन्द्रपुरमा २०८२ फागुन १३ गते बुधबार प्रचारात्मक कोणसभा सम्पन्न गरिएको हो ।
सभालाई सम्बोधन गर्दै प्रतिनिधिसभा सदस्यका उम्मेदवार केरसिंह अदैले पार्टीको नीति, कार्यक्रमसहितको २७ बुँदे घोषणापत्रबारे प्रकाश पार्नुभएको थियो ।
आगामी फागुन २१ गते हुने निर्वाचनमा गिलास चिह्नमा मतदान गरी विजय बनाउन उहाँले अपिल गर्नुभएको थियो ।
अखिल नेपाल बुद्धिजीवी सङ्घका जिल्ला सदस्य छन्दबहादुर केसीले राष्ट्रियता र गणतन्त्रको रक्षा तथा सङ्घीयता खारेजीबारे विस्तृत रूपमा प्रकाश पार्नुभएको थियो ।
कार्यक्रमको सञ्चालन राजमो जिल्ला कोषाध्यक्ष तथा ३ नं. क्षेत्रका चुनाव प्रचारप्रसार संयोजक केहरसिंह पुनले गर्नुभएको थियो ।
