वीरेन्द्रनगर । सुर्खेत क्षेत्र नम्बर १ मा राष्ट्रिय जनमोर्चाको चुनाव प्रचारप्रसार कार्यक्रम सम्पन्न भएको छ ।
२०८२ फागुन १० गते सिम्ता गाउँपालिका राकम, जामुनेबजार, गोजीबजार, डाँडाखालीलगायतका स्थानमा घरदैलो, भेटघाट र कोणसभा सम्पन्न भएका हुन् ।
सभालाई राजमो उम्मेदवार मोहन थापा, राजमो केन्द्रीय सदस्य रत्नविक्रम रानाप्यासी, राजमो सुर्खेतका उपाध्यक्ष भूपेन्द्रबहादुर नेपाली, जातीय समता समाजका केन्द्रीय सदस्य हीरालाल नेपाल, अखिल नेपाल किसान महासङ्घ (अन्टुक) का केन्द्रीय सदस्य प्रेमबहादुर ठाडालगायतले सम्बोधन गर्नुभएको थियो ।
त्यस्तै फागुन ११ गते सुर्खेत क्षेत्र नम्बर १ कै चुनाव प्रचारप्रसार अभियानअन्तर्गत चिङगाड गाउँपालिकामा घरदैलो तथा भेटघाट कार्यक्रम सम्पनन भएको छ ।
सो क्रममा चिङगाडका आरणटुडा, टाटके, अवलचिङ, ठाँटीबजार तथा दैलेख र सुर्खेतको सिमाना धरमपोखरा बजारमा कोणसभा पनि सम्पन्न भएको थियो ।
सभालाई उम्मेदवार मोहन थापा, समानुपातिक उम्मेदवार पार्वती ठाडा, राजमो केन्द्रीय सदस्य रत्नविक्रम रानाप्यासी, राजमो कर्णाली प्रदेश समितिका सदस्य शेरबहादुर परियार, राजमो सुर्खेतका उपाध्यक्ष भूपेन्द्रबहादुर नेपाली, क्षेत्र नम्बर १ निर्वाचन परिचालन समितिका संयोजक प्रेमबहादुर ठाडा, समता समाजका केन्द्रीय अध्यक्ष हीरालाल नेपालीलगायतको सहभागिता रहेको थियो ।
