चन्द्रा श्रीस, काठमाडौँ ।
आगामी फागुन २१ गते हुने प्रतिनिधिसभा निर्वाचनका लागि अर्घाखाँचीमा राष्ट्रिय जनमोर्चाको प्रचारप्रसार कार्यक्रम तीव्र भएको छ ।
अर्घाखाँचीबाट राजमोका उम्मेदवार पशुपति ढकालकोे नेतृत्वमा जिल्लाव्यापी प्रचारप्रसार कार्यक्रम चलिरहेको हो ।
२०८२ फागुन ४ गतेदेखि सुरु भएको सो कार्यक्रम जिल्लाका विभिन्न स्थानमा कोणसभा तथा माइकिङ गर्र्दै चलिरहेको अखिल नेपाल जनजाति सम्मेलनकी उपाध्यक्ष उषा पुनले युगदर्शनलाई जानकारी दिनुभयो ।
पुनका अनुसार अहिलेसम्म पाणेनी, श्रीङ्गा, सन्धिखर्क, मालारानी, छत्रदेव, शीतगङ्गालगायतका विभिन्न स्थानमा कार्यक्रम सम्पन्न भइसकेका छन् ।
प्रचारप्रसारमा राजमो लुम्बिनी प्रदेश समितिका सल्लाहकार शेरबहादुर बिसी, राजमो अर्घाखाँचीका अध्यक्ष थम्मन केसी, अखिल नेपाल महिला सङ्घकी उपाध्यक्ष कल्पना पोखरेल, राजमो अर्घाखाँचीका सचिवालय सदस्यहरू देवेन्द्र कुँवर र कमलप्रसाद घिमिरे, अखिल नेपाल ट्रेड युनियन महासङ्घ (अन्टुक) केन्द्रीय उपाध्यक्ष गोविन्द बिसीलगायतको टोली परिचालित भएको बताइएको छ ।
खुल्ला चुनाव प्रचारप्रसारको निर्धारित समय फागुन १८ गतेभित्रै जिल्लाका विभिन्न ठाउँमा सभा, कोणसभा गरिने पुनले जानकारी दिनुभयो ।
