चेन्नई । यमबहादुर कुंवरकी सुपुत्री सितालक्ष्मी कुंवरको सामान्य बिमारी भई चेन्नईको अम्बतुर स्थित महालक्ष्मी हस्पिटलमा निधन भएको छ । उनी जिल्ला प्यूठान स्वर्गद्वारी नगरपालिका ४ बांजीपुर –दमार निवासी हुन् ।
दिमागको नशामा ब्लकेजका कारण १२ फरवरीका दिन हस्पिटलमा भर्ना गरिएको थियो । उपचारकै क्रममा दिनांक १३ फरवरीका दिन बिहान करिब पाँच बजे डक्टरले निधन भैसकेको जानकारी दियो ।
उनको निधनको समाचार प्राप्त भए लगत्तै मूल प्रवाह अखिल भारत नेपाली एकता समाजका केन्द्रीय सदस्य काशिराम शर्माको नेतृत्वमा दक्षिण भारत क्षेत्रीय सदस्य तथा चेन्नई उत्तर नगर समितिका अध्यक्ष गोपाल बिक, किशोर शर्माको प्रतिनिधि मण्डल हस्पिटलमा पुगेको थियो ।
मूल प्रवाह दक्षिण भारत क्षेत्रीय सचिवालय सदस्य बुद्धिराम पौडेल, गोपाल विक, किशोर शर्मा, प्रकाश नेपाली, खुमनप्रसणद भण्डारी, लोक कुमारी थापा, स्थानीय बासिन्दा र आफन्तजनको उपस्थितिमा अम्बतुर स्थित ऐनम्वाक्कम शमशानघाटमा अन्तिम दाहसंस्कार गरिएको छ ।
