दिल्ली । सोम लामाकी वर्ष १६ की छोरी सोनी लामाको दिल्लीमा निधन भएको छ । उनी हरिपुर नगरपालीका २ जानकी सर्लाही जिल्ला घर भई हाल दिल्ली रोहिणी सेक्टर ९ राजापुर गाउँमा सामान्य नोकरी तथा डेरा गरि बसोवास गर्दै आएका थिए । सोनी लामा विगत डेढ वर्ष देखि बिमारी थिइन् ।

सोनीको ९ फरवरी २०२६ का दिन बिहान उपचार कै क्रममा अस्पतालमा दुःखद निधन भएको छ । मूल प्रवाह अखिल भारत नेपाली एकता समाजका कार्यकर्ता तथा उनको आफन्तहरूको सहभागीतामा रोहिणी सेक्टर ३ नाहरपुरस्थित समसान भुमिमा अन्तिम संस्कार गरिएको छ ।

घरको आर्थिक अवस्था अत्यन्तै नाजुक भएको हुँदा मूल प्रवाह अखिल भारत नेपाली एकता समाज दिल्ली नगर समितिको पहलकदमीमा रू. १४३००/– संकलन गरि नगर सचिव सुनील थापा, नगर समिति कै नरेन्द्र अधिकारी तथा एम पि हिताङको रोहवरमा मृतकका बुबा सोम लामालाई हस्तान्तरण गरिएको छ ।