काठमाडौँ । नवलपुर क्षेत्र नम्बर २ का उमेदवार विष्णु गिरीले चितवन निकुञ्जको बफर जोनको नाममा नबलपुरको विकास निर्माण ठप्प भएको बताउनु भएको छ ।
‘नारायणी चितवन राष्ट्रिय निकुञ्जको नाममा बफर जोनको नाममा विकास निर्माण रोक्ने, गिट्टी बालुला निकाल्न नदिने, नेपाली सेनाले खोलेपछि पनि ट्याक्स सबै राष्ट्रिय निकुञ्जले लैजाने तर जनावरको अतिक्रमण हामी नवलपुरबासीले भोग्नु पर्ने अवस्था छ ।’ गिरीले अगाडि भन्नुभयो– ‘न हामीलाई तारबार गरिदिन्छ, नपर्खाल लगाइ दिन्छ, यो समस्याबाट नवलपुरबासी जनताहरू पिडीत छन् । कनै सुनुवाई भएको छैन ।’
स्वघोषित ठूला दलका नेताहरूले राष्ट्रिय निकुञ्जले बफरजोन बनाएको नेता गिरीले बताए । ‘बफर जोनको नाममा विभिन्न देशबाट आर्थिक उठाएर खाने माध्यम बनाएका छन् ।’ गिरीले अगाडि भने– ‘विदेशी दाताहरूलाई सौराह, निकुञ्ज एरिया घुमाएर पठाउँदा रहेछन् ।’ नवलपुरतीरको अवस्था कस्ले देख्ने गिरीले भने । गैंडा, बँधेर, हरिणबाट खेती जोगाउन समस्या छ । निकुञ्जले कुनै तारबार तथा छेको नगरेको गिरीले युगदर्शनलाई बताए ।
