चन्द्रा श्रीस, काठमाडौँ ।
गुल्मी जिल्लाको प्रतिनिधिसभा क्षेत्र नं. २ मा राष्ट्रिय जनमोर्चाको प्रचारप्रसार कार्यक्रम तीव्र भएको छ ।
२ नं. क्षेत्रका उम्मेदवार लालबहादुर थापाको उपस्थितिमा सो कार्यक्रम सञ्चालन भइरहेकोे हो ।
२०८२ फागुन ४ गतेदेखि सुरु भएको सो कार्यक्रम २ नम्बर क्षेत्रका विभिन्न स्थानमा सम्पन्न भएको त्यस क्षेत्रका उम्मेदवार थापाले जानकारी दिनुभएकोे छ ।
कार्यक्रम तमघासको रेसुङ्गा नगरपालिका, मुसीकोट नगरपालिका, इश्मा गाउँपलिका, मालिका गाउँपालिका, मदाने गाउँपालिका, धुर्काेट गाउँपालिकालगायतका विभिन्न स्थानमा सम्पन्न भइसकेका छन् ।
कार्यक्रममा राजमो जिल्ला सदस्य धनबहादुर थापा, विष्णु थापा, तारा जिसी, प्रकाश जिसी, ओमकान्त पन्थी, देवेन्द्र जिसी, चिरन बस्नेतलगायतको सहभागिता रहेको जनाइएको छ ।
थापाले भोलि शनिबार मुसीकोट तथा वामीटक्सारमा कोणसभा सम्पन्न हुने बताइएको छ।
त्यस्तै फागुन ११ गते रेसुङ्गा नगरपालिकामा घरदैलो, फागुन १२ देखि १४ गतेसम्म मदाने गाउँपालिकाका विभिन्न ठाउमा कोणसभा, त्यसपछि धुर्काेटमा सभा गर्दै फागुन १८ गतेसम्म जनभेटघाट, प्रचारप्रसार गरिनेछ ।
प्रचारप्रसारको क्रममा घरदैलो, माइकिङ, पर्चा पम्प्लेट वितरणजस्ता कार्यक्रम गरिएको बताइएको छ ।
