हिमाचल । भारतको हिमाचल राज्यको मनालीमा सुकमाया तामाङ नामकि ७२ वर्षिय वृदाको लुटपाट पछि बर्बरतापुर्ण तरिकाले हत्या गरिएको समाचार प्रकाशमा आएको छ ।
फरवरी ६, २०२६ को राती मनालीस्थित जगतसुख भन्ने स्थानमा हातखुट्टा बाधेर लुटपाट पछि हत्या गरिएकि ७२ वर्षिय वृदा सुकमाया तामाङको शव मनाली पुलीसले दिउसो फेलापारेको थाहा पाएपछि मूल प्रवाहको प्रतिनिधि मण्डल फरवरी ७ का दिन पुलिसथाना पुगी आवश्यक जाँच बुझ गरेको थियो।
मूल प्रवाहले तत्काल पहल गरि मृतकका परिवारसँग नेपाल सम्पर्क गरि उनका आफन्तहरू छोरा–छोरी नाता पर्नेलाई मनाली बोलाएर शवको सनाखत पछि पोस्टमार्टम गरि मूल प्रवाहको रोहवरमा फरवरी १३ का दिन अन्तिम संस्कार गरिएको हो ।
प्रारम्भिक अनुसंधान अनुसार
सुकमाया तामाङ केहि समयदेखि मनालीमा एक्लै बस्दै आइरहेकी थिइन् । उनका मालिकका अनुसार उनी नेपाल जाने योजना बनाएकी थिइन् र उनीसँग ९० हजार नगद भएको बताइएकी थिइन् ।
पुलिस अनुसन्धानमा सुकमायाले उनीसँग करिब ९० हजार भारु पनि रहेको बताएकै अज्ञात मानिसले रातीको समयमा नजिकैको स्याउको बगैचामा लगेर हातखुट्टा बाधेर कान र नाकमा लगाएको करिव १ तोला सुनका गहना र नगद भारु ९०, हजार लुटपाट पछि बर्बरतापुर्ण हत्या गरिएको आंशका प्रहरीले गरेको मनालीबाट मूल प्रवाहका नेता तिलक सिंजापतीले जानकारी दिनु भएको छ ।
मूल प्रवाह मनाली नगर समितिले छिटो भन्दा छिटो हत्यारा पत्ता लगाई कडा कार्यवाही गर्न पुलीसलाई दवाव सृजना गरिरहेको छ ।
मृतक सुकमाया तामाङ नेपालमा धादिङ जिल्लाको खानेबास गाउपालीका वार्ड नंबर ५ निवासी भएको थाहा लागेको छ ।
