काठमाडौँ । फागुन २१ गतेको निर्वाचन नजिकीदै गएता पनि देशको अवश्था अत्यन्तै अन्योलतामा रहेकाले भयमुक्त निर्वाचन हुने आशंका आम जनतामा कायम नै रहेको राष्ट्रिय सभाका सांसद तुलप्रसाद विश्वकर्माले बताउनुभएको छ । विश्वकर्माले आज फागुन १ गते राष्ट्रिय सभाको अधिवेशनमा आफ्नो मन्तव्य राख्दै सो धारणा राख्नुभएको हो ।
‘फागुन २१ मा चुनाव हुन्छ वा हुन्न भन्ने मै अन्योलतामा छ ।’ विश्वकर्माले सरकारलाई अपिल गर्दै– ‘तर हामीलाई बाध्यता छ, चुनावमा जानुपर्ने वाध्यता छ । भयरहित र निष्पक्ष चुनाव गराउने बातारण श्रृजना गर्न सरकारले पहल गरोस् ।’
गत भदौ २३–२४ गते भएको जेनजी आन्दोलनको बेलामा लुटिएको हथियार र उक्त समयमा झेजबाट भागेका अपराधीहरू पनि बाहिरै रहेकाले चुनाव भयरहित हुने वा नहुने भन्नेमा आशंका हुनु स्वभाविकै रहेको विश्वकर्माले बताउनु भयो ।
‘देशको राजनीतिक अत्यन्तै गम्भिर अवस्थामा पुगेको छ । खास गरेर देशको राष्ट्रियता, सार्वभौमिकता र अखण्डता अत्यन्त संकटमा गइरहेको छ ।’ विश्वकर्माले भन्नुभयो– ‘साँच्चै भन्ने हो भने देश रहने की नरहने यसखालको स्थिति उत्पन्न भएको छ ।’
