चेन्नई । जिल्ला प्यूठान, प्यूठान नगरपालिका २ काठेघर, चितिखोला निवासी शिव विष्टको चेन्नईमा निधन भएको छ । उनले चेन्नईस्थित इसिआर गेष्टहाउसमा कार्यरत थिए ।
कविराम बिष्टका कान्छा छोरा बर्ष २० शिव बिष्ट र रविन केसी बर्ष १८ का दुबै जना फरवरी ४, २०२६ गते राती करिब ०१.३० बजे मरिना विच घुम्न गएका थिए । फर्किने क्रममा मदिरा सेवनबाट अनियन्त्रित बाईक दुर्घटना हुँदा दुबैजना सख्त घाइते भएका थिए । दुर्घटनामा शिव बिष्टलाई टाउकोमा गम्भीर चोट लागेको थियो । रविन केसीको अवस्था सामान्य रहेको छ । घटना स्थालबाट पोलिसले उद्दारगरि चेन्नईस्थित रायपेट्ट सरकारी अस्पतालमा भर्ना गरेको थियो । उपचारकै क्रममा निज शिव बिष्टको मिति फरवरी ८, २०२६ गते बिहान करिब ८ बजे निधन भएको स्थानीय प्रशासनले जनाएको छ ।
फरवरी १०, २०२६ को राति मूल प्रवाह अखिल भारत नेपाली एकता समाजका क्षेत्रीय अध्यक्ष चन्द्र बहादुर थापालाई प्राप्त हुनासाथ क्षेत्रीय सदस्य तथा पूर्व नगर समितिका अध्यक्ष ओमकान्त शर्मा, क्षेत्रीय सदस्य तथा चेन्नई उत्तर नगर समितिका अध्यक्ष गोपाल बिक, क्षेत्रीय सदस्य तथा चेन्नई पश्चिम नगर सचिव किशोर शर्मा, चेन्नई पश्चिम नगर उपाध्यक्ष प्रकाश नेपाली लगायत मूल प्रवाहका साथीहरू, मृतकका बाबा कविराम बिष्ट, मृतकका दाजु दिपेन्द्रसिंह बिष्ट, आफन्तजन तथा ईष्टमित्रहरू दाम बहादुर केसी, ललित बहादुर जिसी, दुर्गा केसी, निर्मला घर्ती, घमानसिंह खत्री, राजेन्द्र थापा, विक्रम घर्ती, गेष्टहाउस मालिक पाण्डियन र उहाँको श्रीमतीको पनि शुरुदेखि अन्त्यसम्म उपस्थिति रहेको थियो ।
मृतकका बाबा र दाजु नेपालबाट चेन्नईसम्म रेलमा आउँदा ढिलाइ भएको कारण शवको फरवरी ११, २०२६ का दिन पोलिस र अस्पतालको सबै डकुमेन्टहरू तयार गरि पोष्टमार्टम पश्चात चेन्नईको समुन्द्र नजिक रहेको कृष्णपेट शवदाह गृहमा अन्तिम दाहसंस्कार गरिएको छ । सो अवसरमा एक मिनेट मौनधारण सहित किशोर शर्माको सञ्चालनमा गोपाल बिक र ओमकान्त शर्माले संक्षिप्त शोक मन्तव्य राख्नुभएको थियो ।
