खलङ्गा, प्युठान । राष्ट्रिय जनमोर्चा प्युठानले मल्लरानी गाउँपालिका स्तरीय कार्यकर्ता भेला खलङ्गामा शुक्रबार सम्पन्न भएको छ ।

नेपाल कम्युनिस्ट पार्टी (मसाल)का महामन्त्री मोहन बिक्रम सिंहको विशेष उपस्थितिमा अगुवा कार्यकर्ता भेला गरिएको हो । महामन्त्री सिंहले प्रशिक्षणत्मक मन्तव्य दिदै अमेरिकी साम्राज्यवादको प्रत्यक्ष हस्तक्षेपका कारण देश अप्ठ्यारोमा परेको बताउनु भएको हो ।

राष्ट्रिय जनमोर्चा लुम्बिनी प्रदेशका अध्यक्ष बोम बहादुर खत्रीले राष्ट्र राष्टियता जोगाउन, समग्र प्युठानको बिकास निर्माणका लागि अनुभवी बिकासप्रेमी नेता तिलक जिसीलाई जिताउन सबै कार्यकर्ता सक्रियताका साथ लाग्न आग्रह गर्नुभएको थियो ।

उहाँले राष्ट्रिय जनमोर्चाको पक्षमा माहोल बन्दै गएकोले आम जनतालाई गोलबन्द गरेर चुनावको माहोल राष्ट्रिय जनमोर्चाको वरिपरि राख्न आग्रह गर्नुभयो । देशको बैकल्पिक राजनीतिक शक्ति राष्ट्रिय जनमोर्चा मात्र भएकोले गिलासमा मतदान गर्न गराउन कार्यकर्तालाई आग्रह गर्नुभयो।

राष्ट्रिय जनमोर्चाका नेता तथा प्रतिनिधि सभा सदस्यका उमेदवार तिलक जिसीले भन्नुभयो लगातार जिल्लामा जनताको दुखसुखमा साथ दिदै आएको वास्तविक प्युठानको आम जनताको भावना बुझेर काम गर्दै आएको कारण आफुलाई जिताउन सबैमा आग्रह गर्नुभयो ।

अखिल छैठौंका केन्द्रिय अध्यक्ष शुवास जिसीले भदौ २३ र २४ गते जेनजि को आन्दोलन भयो त्यसले देशमा उथलपुथल भयो । त्यो अवस्था आउनुमा एमाले, काँग्रेसको गलत आचरणको कारण यो अवस्था आयो । कााँग्रेस, एमालेले लामो समय देशको नेतृत्व गरे तर भ्रष्टाचार, कुशासन र भद्रोल बनाएको कारण देश अत्यन्तै संकटमा रहेको बताउनुभयो।

भेलामा राष्ट्रिय जनमोर्चाका केन्द्रीय सदस्य कृष्ण खड्काले देखिएको चरम लापरबाही रहेको उल्लेख गर्दै जिल्लाको समग्र बिकासमा राष्ट्रिय जनमोर्चाको महत्वपूर्ण योगदान रहेको स्मरण गराउँदै आगामी दिनमा आवस्यकताको आधारमा बिकास निर्माण गर्न आवश्यक रहेको धारणा व्यक्त गर्नुभएको थियोे ।

नेकपा मसालका जिल्ला प्रवक्ता राम पहाडी, समानुपातिक उमेदवार अमरध्वज राना मगर, छमा श्रेष्ठ,अखिल नेपाल महिला संघका उपाध्यक्ष हुमा पोख्रेल,अखिल नेपाल युवक संघका अध्यक्ष कमल पौडेल, प्रगतिशील पत्रकार संघका केन्द्रीय सदस्य जुमान सिंह केसी लगाएतको आतिथ्यता रहेको थियोे ।

डोर प्रसाद पोख्रेलको स्वागत मन्तव्य संगै अगाडि बढेको कार्यक्रमको अध्यक्षता पालिका अध्यक्ष गुणेन्द्र बस्नेत र संचालन राजमोका दुर्गा थापाले गर्नुभएको थियोे ।

मल्लरानी गाउँपालिकाका सबै वडाबाट प्रतिनिधिमुलक अगुवा कार्यकर्ताहरुको सक्रिय सहभागिता रहेको थियोे पालिका पार्टी अध्यक्ष गुणेन्द्र बस्नेतको संयोजकत्वमा १५१ सदस्यीय चुनाब प्रचारप्रसार समिति गाठन गरेको छ ।