प्युठान । राष्ट्रिय जनमोर्चाका उम्मेद्वार तिलक जिसीले चुनावी अभियान अन्तर्गत गौमुखी गाउँपालिकाको रजबारामा आज माघ २२ गते घरदैलो कार्यक्रम सम्पन्न गर्नुभएको छ ।

आफ्‌नो प्रतिबद्धता सुनाउन, जनताको समस्या सुन्न जिसीले स्थानीय बासिन्दासँग भेटघाट गर्दै उनीहरूका समस्या, सुझाव र अपेक्षाहरू सुन्नुभएको थियो ।

त्यस दौरानमा जिसीले विकास निर्माण, राष्ट्रियता र स्थानीय जनजीविकाका मुद्दालाई प्राथमिकतामा राखेर काम गर्ने प्रतिबद्धता व्यक्त गर्नुभएको छ ।

उहाँले आसन्न निर्वाचनमा गिलास चिन्हमा मतदान गरी राष्ट्रिय जनमोर्चालाई विजयी गराउन स्थानीयवासीसँग जिसीले आग्रह गर्नुभयो ।

भेटघाटका क्रममा स्थानीयले खानेपानी, सडक, कृषि तथा रोजगारीका विषयमा आफ्‌ना धारणा राखेका थिए । घरदैलो कार्यक्रममा पार्टी कार्यकर्ताहरूको पनि सक्रिय सहभागिता रहेको छ ।