नेपालगञ्ज । प्रतिनिधिसभा निर्वाचन तयारीको लागि राष्ट्रिय जनमोर्चा बाँकेको कार्यकर्ता भेला सम्पन्न भएको छ ।
२०८२ माघ १९ गते सोमबार नेपालगञ्जमा जिल्लास्तरीय भेला सम्पन्न भएको हो ।
अखिल नेपाल किसान महासङ्घ (अप्फा) का महासचिव तुलसीराम सापकोटाको प्रमुख आतिथ्यमा सम्पन्न उक्त भेलामा अखिल नेपाल युवक सङ्घका केन्द्रीय सल्लाहकार कृष्णराज पाण्डे, अखिल नेपाल महिला सङ्घकी केन्द्रीय सदस्य पूर्णकला भण्डारी, राजमो लुम्बिनी प्रदेश सदस्य भीमप्रसाद देवकोटा र राजमो उम्मेदवारलगायतको आतिथ्य रहेको छ ।
भेलाले जिल्लाभरिको निर्वाचन परिचालन, प्रचारप्रसार, आर्थिक व्यवस्थापनजस्ता विषयमा निर्णय लिएको आयोजकले जनाएको छ ।
राजमोले बाँके क्षेत्र नं. १ बाट तुलसीराम सापकोटा, क्षेत्र नं. २ बाट जगदीश ढकाल, क्षेत्र नं. ३ बाट मनबहादुर सुनार तथा समानुपातिकतर्फ मोमिना खातुन, बलिसरा पुनमगर र रामप्रसाद चमारलाई उम्मेदवार बनाएको छ ।
भेलामा अध्यक्षता जिल्ला अध्यक्ष मोमिना खातुनको तथा सञ्चालन माधबा जिसीको रहेको थियो ।
